الرئيسية / المقالات / ( بطَّلت العرگ راح اشتري عمامه)؟

( بطَّلت العرگ راح اشتري عمامه)؟

( بطَّلت العرگ راح اشتري عمامه)
الشاعر خالد العامري
@@@
بطّلت العرگ راح اشتري عمامه
واصيرن شيخ واتوسّط اللگامه
@@@
أصيرن شيخ واقره بمسجد السنّه
وأگلهم تره الشيعه تريد تاكلنه
مو إلهُم تره هذا العراق النه
گالاها قبل سنتين أوباما
بطٰلت العرگ راح اشتري عمامه
@@@
أصيرن مُلّه واقره بمسجد الشيعه
وأگلهم لازم امري الكل تره يطيعه
تريد السنّه هذا عراقنا تبيعه
وبعد ماكو لطم زنجبيل لاقامه
بطَّلت العرگ راح اشتري عمامه
@@@
وأريد اتعلَّم اشويّة حچي كردي
ولف اشماغ وسروال بعرض جدّي
واگول المشكلة حلها ترى عندي
كاكه بلي ،،،،، نفط بلي
تنكه إلك ،،،،،،، تنكه إلي
رميله إلك ،،،،،، كركول الي
ونسد الباب لا بابا ولا ماما
بطَّلت العرگ راح اشتري عمامه
@@@
بطَّلت العرگ ماريد اشربنّه
لأن بالآخره يحرمك من الجنّة
بس الباگنه وباع برخُص دمنه
هذا الجنّة بس يموت جدّامه
بطَّلت العرگ راح اشتري عمامه
@@@
بعدين العرگ ينراد له مزّه
منين انجيب واحنه ندوّر الخبزه؟؟
وحكومتنه القفل والباب والرزّه
باگتهن وضاع البيت (يام شامه)
بطَّلت العرگ راح اشتري اعمامه
@@@
بطَّلت العرگ ،، العرگ ما ينراد
بأول بيك تحچي الصدگ( يابو زناد )
وهذا الحچي ما يمشي اعله اهل بغداد
طلقه وتنتهي وبالراس الحجامة
بطَّلت العرگ راح اشتري عمامه
@@@
أريد ألبس اعمامه بكُبر حزن الناس
واگعد بين گبر إحسين والعباس
واصيحن ليش گدرك يا وطن ينداس؟؟
وتِشيخ اعليك حفنة إلصوص غنّامه؟؟
بطَّلت العرگ راح اشتري اعمامه
@@@
بطَّلت العرگ !!! ما بطَّلت لاله
مجنون اليظل صاحي اعله هالحالة
معروض الوطن للبيع (يچماله)
ومامش ابن اوادم حتي نشكيله
جيبيلي عرگ ارد اسكر الليله
وارد انعل ابو اليشكيلي واشكليه
بطلت العرك راح أشتري عمامه

عن Al Salihi

وكالة الأخبار العربية الأوروبية "أينانيوز" وكالة إخبارية بنكهة عربية اصيلة لاتمثل ولاتنتمي لأي جهة حزبية اوحركة سياسية سواء داخل العراق أو خارجـه هدفها نقل الحقائق كما هي دون تزييف او رتوش تنبذ العنصرية والطائفية والاستغلال البشري وتعمل على نشر مفاهيم المحبة والسلام بين الناس وتحترم خاصية كل الاديان والطوائف والمذاهب والاثنيات

شاهد أيضاً

الجيش الأردني يصدر بيانا بشأن الفنانة الإماراتية أحلام

عمان/ إينا نيوز/ أصدرت القوات المسلحة الأردنية بيانا، لتوضيح مسألة نقل طائرة عسكرية أردنية للفنانة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *