الرئيسية / العراق / المنلوجست العراقي الراحل”عزيز علي” يقرأ في ستينيات القرن الماضي حقبة زمنية سوداء سيمر بها العراق ؟

المنلوجست العراقي الراحل”عزيز علي” يقرأ في ستينيات القرن الماضي حقبة زمنية سوداء سيمر بها العراق ؟

بغداد/ اينا نيوز/مايمر به العراق من أحداثٍ جثمت على صدور ابنائه منذ الـ9 من نيسان المشؤوم سنة 2003 ذكرى الاحتلال الامريكي للعراق وماتلى هذه التأريخ من أزمات ومشاكل تمثلت باحتلال آخر مثلته( ايران وزبانيتها) في العراق الى جانب تدخلات اقليمية ودولية لاتعد ولاتحصى جعلتني أستمع واردد اغنية المنلوجست العراقي الراحل ” عزيز علي” والذي يستمع اليه يجد أنه قد نظر الى حقبة زمنية مستقبلية  في تاريخ العراق ستجثم علىه وعلى ابنائه  ستحرق الاخضر واليابس،لذلك نجد في هذه الكلمات التي رددها الراحل والتي تنطبق على حال العراق والعراقيين منذ العام 2003 ولحد يومنا هذا وللتذكير تعيد وكالة (روافد نيوز)، نشر كلمات هذه الأغنية والتي مضمونها …

الركعه زغيره ياخلك الله والشك جبير
يا ناس الابره ما تحفر بير
واليحجي يبتلي على عمره
والساكت خانكته العبره
والطايح رايح حشه كدره
والعايش عايش بالقدره
من زاخو لحدود البصره
ومن نكرة سلمان لبدره
والله واحدنه خلص صبره
شيسوي وشيدبر أمره
المن يحجي ويفضح سره
ومنهو اليسمع ومنهو اليقره
شنهو العيشه الكدره المره

****** تجيب المجموعه*****

قصتنا تحجي تبتلي خل يلعبون الشوملي

إن شرجت إن غربت خوجه علي ملا علي

كون الدنيا ربيع وكمره

******************************
الواحد صبره مو صبر أيوب
يصبر جم مره يصبر جم دوب

كاليوم مغيمه ومغبره
ومظلمه الدنيا ومصفره
دا تعجج وتزخها بمطره
وتخلي الوادم متحيره
وكل واحد غركان بحره
يضربلك جف يمنه ويسره
وكل واحد سكران بخمره
يعربد ويهدد بالثوره
ذاك من ذاك النقدره
المضحي بمصلحته لقطره
وصاحب مبدأ يحمل فكره

*******************************
من زاخو لعقره لحدود الفاو

وكلمن من كتره ضاربله كلاو

وياهو تلزمه مطلع صدره

وشايف نفسه الحاكم بامره

كلها تدوّر سلطه وإمره

براسي وراسك احنه الفقره

حتى موظفنه الهلكبره

نافخ نفسه ويحجي بنتره

لو راجعته يكلك بكره

جلمه واخرى اطلع بره

الله يعينه ولله دره

للحافي وبطرك الوزره

والي محد لازم ظهره

******************************

يردلها القدره وكلشي بتدبير

ناكوط الحب كطره وكطره

والاصلاح يتم فد مره

الشجر اليابس لتزبره

اشلعه من عركه ومن جذره

عضو الفاسد لو مانبتره

نظل نتألم ونجر حسره

لو ظلت على هاذا المجره

نتواجه بالدنيا الاخره

لكن بلجن نطفر طفره

نصبح لنها ربيع وكمره

ولابد بعد العسر اليسره

 

عن Al Salihi

وكالة الأخبار العربية الأوروبية "أينانيوز" وكالة إخبارية بنكهة عربية اصيلة لاتمثل ولاتنتمي لأي جهة حزبية اوحركة سياسية سواء داخل العراق أو خارجـه هدفها نقل الحقائق كما هي دون تزييف او رتوش تنبذ العنصرية والطائفية والاستغلال البشري وتعمل على نشر مفاهيم المحبة والسلام بين الناس وتحترم خاصية كل الاديان والطوائف والمذاهب والاثنيات

شاهد أيضاً

قيادي بدولة القانون يرجح تأخر تسمية رئيس الوزراء المقبل

بغــداد/ اينا نيوز/ عادل المختار/  توقع القيادي في ائتلاف دولة القانون “محمد الصيهود”، الاربعاء، تأخر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *